قصيدة رثاء في (جدتي معيضه) رحمة الله

قصيدة رثاء في (جدتي معيضه) رحمة الله عليها اتمنى ان تنال اعجابكم :

من هاجس ما فيه شك و عذروب
سِر ياقلم واكتب حروف القصيده
انا ادري ان الموت حقٍ ومكتوب
وانا ادري ان الله يرحم عبيده
وانا ادري ان الحق ما عنه مهروب
والحكم للرحمن والامر بيده
وادري الكفن ياصاحبي ماله جيوب
ولا تنفع الميت دموعٍ جديده
وسبحان من فرّق حبيبٍ ومحبوب
وحكم القدر ماجا على مانريده
بعض العرب من موتته ماتت اقلوب
وبعض العرب وان مات ماهو فقيده
والشمس تعلن حزنها ساعة غروب
والحزن في قلبي وساكن وريده
يارب ترحمها وتغفر لها ذنوب
وذنوبها يارب ماهي عديده
تاهت بي الخطوه وتاهت بي دروب
من عقب فرقاها حياتي زهيده
لولا الحيا شقيت من متني الثوب
واعيش مابين الخلايق بليده
ولا عاد لي خاطر لزادٍ ومشروب
دام الذي في القبر محدٍ يعيده

وسلامتكم...